الاثنين، 13 أغسطس 2012

Everything you need to know about Call Center in Egypt



السلام عليكم ورحمة الله وبركاته

كل سنة وكل اللى موجودين معانا فى الجروب ده طيبين وإن شاء الله تتحقق أحلامكم وكل واحد و واحده يشتغلوا فى المجال اللى بيحبوه واللى يساعدهم على إكتساب الخبره اللى هتفيدهم فيما بعد ،،

الموضوع ده واضح محتواه من عنوانه وأتمنى يكون مرجع شامل لأى حد حابب يجرب المجال ده

أولا وظيفة الكول سنتر زى أى وظيفه فى الدنيا ليها مميزاتها وعيوبها
لو إتكلمنا عن مميزاتها هنلاقى إننا بنكتسب خبره كبيره جدا فى التعامل مع الناس بوجه عام ،، وتحسن اللغه الانجليزيه بإستمرار للأفضل دايما وده غير المميزات الماديه
بس بعيدا عن شركات الاوت سورس للأسف !!

(**) لاحظت من الاسئله والرسائل اللى وصلتنى إن معظم الناس عندهم مشكلتين

الاولى إنهم حاسين إنهم مش كويسين فى الانجلش وده حله بسيط جدا لأننا كلنا كنا كده وبكل سهوله يقدر يعرف الاسئله والاجابه بتاعت خدمة العملاء ويتعلم نطفق الكلمات الصعبه من خلال الموقع ده



المشكله التانيه إن أغلب الناس معندهاش الجرأه إنها تروح الانترفيو وساعات بيبقوا كويسين جدا بس التوتر بيسيطر عليهم ودى حلها إنهم ينزلوا ويروحوا انترفيوهات فى شركات كتير حتى لو إترفضوا لا قدر الله بس هيكتسبوا الخبره من الانترفيوهات وياخدوا الجرأه ويعرفوا نوعية الاسئله اللى بتتسأل ويقدروا يسألوا زمايلنا هنا ويستفادوا من تجاربهم


خدمة العملاء نوعين :- إما عبر التليفون أو وجها لوجه فى الفروع

أشهر شركات خدمة العملاء فى مصر
فودافون - إتصالات - موبينيل - تى إى داتا - لينك دوت نت - موبايل شوب - كمبيوتر شوب - وشركات أخرى كتير وطبعا كل شركه ليها مجموعة شركات أوت سورس

إيه هى شركات الاوت سورس ؟
دى شركات موجوده فى مصر عشان تقرفنا ،، بس بصفه عامه هى بتبقى وسيط بين الشركة الام والموظفين اللى فيها ودى بتبقى مجرد خطوه أولى وممكن بعدها تبقى من موظفين الشركه الام نفسها

إيه هى متطلبات إنى أكون موظف خدمة عملاء ؟
لازم الإنجلش بتاعك يكون جيد على الاقل ودى أول الدرجات وكل ما زاد الانجلش بتاعك زاد المرتب ومنصبك
مهارات التواصل مع الناس بصفه عامه ،، زى ايه ؟
Friendly - Calm - Persuading - Giving Advice - Handling .... etc !!
وطبعا معرفه ودرايه كامله بالتعامل مع الكمبيوتر والانترنت

طب إزاى أقدم فى الشركات دى ؟
أولا :- لازم يكون ليك C.V. جيد جدا وفى نفس الوقت بسيط وتوضح فيه كل اللى هما محتاجينه عشان يختاروك أنت أو أنتى ،، وفى أشكال كتير جدا للسى فى موجوده على الانترنت أختاروا اللى يناسبكم
( ولو فى أى حد واجه صعوبه فى ده أو أول مره يعملها يسأل )

ثانيا :- لازم أبعت السى فى بتاعى لكل شركات خدمة العملاء فى مصر بطريقه صحيحه كالاتى :-
الملف ده فيه كل إيميلات الاتش ار فى مصر نزلوه وابعتوا السى فى بتاعكم


Password :- job4u
( الملف ده كان موجود اصلا فى الجروب من فتره كبيره )

طب إزاى أبعت السى فى بتاعى لكل الايميلات دى مره واحده ؟
لما نيجى نبعت الايميل هنلاقى 3 خانات
To :- تكتب فيها إسم إيميلك
CC :- لا أنصح بها
BCC :- تحط فيها كل ايميلات الشركات ،، ليه اخترنا دى بالذات لان دى هتوصل السى فى بتاعى لكل الشركات وفى نفس الوقت ولا شركه هتعرف انا بعت الايميل لمين تانى
ومننساش بين كل ايميل والتانى العلامه دى ( , )

وياريت ناخد بالنا من التليفون بتاعنا اللى هيتصلوا علينا من خلاله لان الفرصه مش بتيجى الا مره واحده !!

ونيجى بقى للمرحله الاصعب وهى الانترفيو
غالبا أول أنترفيو بيبقى فى التليفون لازم تركز فيه كويس جدا
طب ايه هى الاسئله اللى ممكن أحضرها ؟
الموضوع ده لزميلنا إسلام شوفوه وهيفيدكم كتير




ملحوظه :- زميلنا إسلام أضاف بعض ارقام الاتش ار تقدروا تستخدموها ومعايا بعض الارقام الاخرى اللى ممكن تفيدكم ودى جزء منها :-


Ahmed Mostafa 01224462744 ( HR Esnad )

Amr ( HR Etisal ) 01005677955
Mai Azmy ( HR Wasla ) 01065539746
Esnad 01099353554
Peter ( HR Ecco ) 01000200739

** دى إيميلات شركات أوت سورس للى حابب يشتغل فى فروع لفودافون

شركة فيرست :-
karim.elhossary@firstegypt.com
amir.aldehleb@firstegypt.com
yasmen.naem@firstegypt.com
Shimaa.ibrahim@firstegypt.com

Top-Business Company
rec@topbusiness.com.eg,
dina.elharery@topbusiness-hr.com,
Christine.Mitry@topbusiness-hr.com

( إذا فى أى حاجه تايه منكم أسألوا ،، أنا عندى ملف بتعامل بيه دايما هو أه الاجابه فيه شخصيه بس أكيد هتفيدكم )

أخيرا وليس أخرا

أتمنى بجد من الناس اللى حابه تجرب المجال ده تجربه فعلا ومش تاخد كلام ناس تحبطك ( ده على اساس ان الشغل كتير جدا فى مصر !! ) ،، جربوا ومش هتخسروا اى حاجه بالعكس صدقونى هتستفادوا كتير جدا
أنا الحمد لله عن نفسى أستفدت كتير جدا من شغلى فى فودافون رغم إنى خريج تجاره ومازلت مكمل فيها والحمد لله إتنقلت من أسبوعين
From Co-Med Segment to High Value Segment

يارب يكون الموضوع شامل وجاوب على أسئله كتير جدا

وأنا حاولت أضيف كل المعلومات اللى هتحتاجوها ومش بطالب أى حد إنه بيبعتلى رسائل خاصه غير للضرورى وده عشان مشاكل كتير حصلت فى الجروب بسبب ناس مش بتقول اى معلومات الا فى الرسائل بس
وده مش معناه أنى مش هارد على رسائلكم يعنى :D

وهاحاول أحدثه بإستمرار عشان يبقى مفيد فى أى وقت ليكم بإذن الله

ليست هناك تعليقات:

إرسال تعليق